All peses

Every hymn in the Samoan hymn book — all 425 peses, by number.

• Pese 1Ina sauni atu ia
• Pese 2Ina vivii i tatou nei
• Pese 3Le Alii e, ua faafetai,
• Pese 4Ia faafetai i Loo lelei
• Pese 5Le Alii e, le Atua e,
• Pese 6Vivii ia i tatou nei,
• Pese 7Mamao! mamao! lou nofoalii
• Pese 8E lelei o mea uma
• Pese 9Le galuega a le Alii
• Pese 10Ia viia le Atua,
• Pese 11O Lou mamalu le Alii e,
• Pese 12Le Alii e, Le Alii e,
• Pese 13Lo matou Atua e, le Alii mamana
• Pese 14Lo matou Tama e, Le o i le lagi,
• Pese 15Lo matou Tama e,
• Pese 16Lo matou Tama
• Pese 17E le tutusa le Alii
• Pese 18O Lou alofa le Alii e,
• Pese 19O mai ia, tatou faafetai
• Pese 20Ua alofa mai le Alii,
• Pese 21O ai ea e iloa
• Pese 22Matou te fia sauni nei
• Pese 23Sauni atu tatou nei
• Pese 24Ia pepese tatou nei
• Pese 25Ia pepese faafetai
• Pese 26Na fai tagata ua lelei
• Pese 27Le toto o taulaga sa,
• Pese 28Iesu e, lo’u olataga,
• Pese 29Faafetai i lou alofa,
• Pese 30Le tala ia Iesu,
• Pese 31Le puapuaga
• Pese 32Iesu, e gata ia te oe,
• Pese 33O Oe le faitoaga mo’i
• Pese 34Tatou te olioli Tatou te faafetai
• Pese 35Le toto paia o lo tatou Alii,
• Pese 36Ou te pese ia Keriso,
• Pese 37Le togiola mo’i Ua uma ona fai,
• Pese 38Le Alii e, lo’u Alii
• Pese 39Aue le puapuaga,
• Pese 40A ‘ou manatu ifo nei
• Pese 41Ou te nofo ou te ofo,
• Pese 42E! le si’ufofoga alofa!
• Pese 43A matou mafaufau
• Pese 44Le Alii alofa e, Iesu,
• Pese 45Ia faamanatu ia te oe!
• Pese 46Lo matou Alii e, Iesu,
• Pese 47O Le alofa fua mai
• Pese 48Ina tatou faafetai, Aleluia!
• Pese 49Le aso na toe tu ai
• Pese 50Na tu mai o Iesu;
• Pese 51Sauni ia le pese fou,
• Pese 52O Le na maliu tiga,
• Pese 53Ua afio Iesu i luga,
• Pese 54Ua toe soifua
• Pese 55E le o i le tuugamau
• Pese 56Ua soifua le Alii,
• Pese 57Ua afio i luga
• Pese 58O Lou suafa, Iesu e,
• Pese 59Iesu le La e iloa ai
• Pese 60Aue, le atu laulau e,
• Pese 61O Lou suafa Iesu e,
• Pese 62Uo ma uso ma alii,
• Pese 63E! lou suafa, Iesu,
• Pese 64Iesu e, lo’u Alii,
• Pese 65Le Malamalama e,
• Pese 66O le Leoleo mo i tatou nei
• Pese 67Iesu e, ua avea oe
• Pese 68Iesu, ia e tausia,
• Pese 69O A’u ua ou alofa,
• Pese 70Ua tele le alofa
• Pese 71Ua ou vivii ma faafetai
• Pese 72Le Faaola e, le Faaola e,
• Pese 73E! Le alofa o Iesu
• Pese 74Toatasi Le ua sili
• Pese 75Amuia i tatou nei!
• Pese 76Ua manuia i tatou nei, Ua faatuina mai Le malo lava o Iesu, Le malo e ola ai.
• Pese 77Afio mai ia, Iesu e, Ina afio mai, Ua naunau tele ia te oe O matou loto nei. Iesu e, na o oe, o lo matou faamoemoe, Le Faaola o le lalolagi nei, Ia pule pea mai, seia soo atunuu, E olioli tele ai matou.
• Pese 78Ua tuu ia Iesu Le pule aoao, I luga ma i lalo nei, E malu ai tatou.
• Pese 79Le malo e lelei, Le malo e ola ai, Le malo lava o Iesu, Tatou pepese ai. Ia ‘au ai i tatou, Fesoasoani i ai I lenei malo o Iesu Le malo e ola ai.
• Pese 80O nuu atoa i lalo nei E oso mai i ai le la, E taunuu atu ia i latou Le malo aoga o Iesu.
• Pese 81Iesu, matou te faafetai Ua fai lau pule e ola ai, Malo! malo! ua e malo, Ua sau le ao ua te’a le po.
• Pese 82Avatu i le tupu Viiga e tatau, O lana pule tonu E aoao lea. E faamasino ia I e ua saua, O e ua tigaina E fifilemu ai.
• Pese 83Vivii atu ia i lo tatou Alii, Ia ifo agelu ua mau i luga; ‘Au mai le palealii lelei, Ia faapaleina le Tupu aoao.
• Pese 84Osana, osana ia Iesu Mesia! O i lana afio le malo lelei; Le malo mamalu, le malo alofa, Ua tatou iloa i ona po nei.
• Pese 85Ia tatou olioli ia. Ma tatou faafetai, Ia naunau atu ia Iesu, Lo tatou nei Matai.
• Pese 86Ia faafetai i tatou nei, Ia leo tele ai; Ina vivii ma faamanu, I Le faaola mai.
• Pese 87Le Alii e, Le viia E agelu i luga, Ia e faafofogaina A matou viiga nei.
• Pese 88Ina tatou fiafia Ina ua afio mai O lo tatou Faitoaga Na te laveai mai.
• Pese 89Ia tatou faamanu I Le ua afio mai, Ia ola ai sala a tatou, Na fai a oti ai.
• Pese 90O Le alofa tunoa ua valaau mai, Sosola i le mauga tou te ola uma ai; O i ai le vaipuna e magalo ai O amio leaga a tatou ua fai. Aleluia ia Iesu! e maua ai le ola, E toe faafetaia i tala atu o Ioritana.
• Pese 91Tuu atu le mana atoa ma viiga I le Mesia, le Faaola moni; Alalaga tatou i lona suafa; Aua le mapu i le faaneenee Aleluia, aleluia! Aleluia, aleluia!
• Pese 92Faafetai i le Atua, Le na tatou tupu ai, Ina ua na alofa fua Ia te i tatou uma nei. Ia pepese, Aleluia, faafetai.
• Pese 93Le Alii e, le Atua, Le Tama, le Atalii, Atoa foi ma le agaga; Malie pule, faafetai, Aleluia! Faafetai faaola mai.
• Pese 94Pese ia Iesu o lo tatou Faaola, Lona alofa sili ia autu ai; Lagi ona vii e agelu mamalu; Na o ia e viia i lalo nei. Pei se leoleo, Ana mamoe e tausia, O tagata ia ua ia faaola mai. Alalaga! ia faailoa le tala, Lona alofa sili, pepese mai.
• Pese 95Iesu, matou te faafetai I togafiti e ola ai, U e saunia mai: Na e afio mai luga, Ma maliu puapuaga, Ia matou sao ai.
• Pese 96Tatou te faafetai, I Le faaola mai. I pese fou; O ia o i luga, Sa puapuaga, Na maliu tiga, Mo tatou nei.
• Pese 97Ina tatou fiafia I Le togiola mai, E te’a ai la tatou sala, Atoa mea e malaia ai, O le toto aoga Tatou sao ai i luga.
• Pese 98Pepese tatou i lo tatou Atua, Ina faafetai i lo tatou Alii, O le na maliu e faamamaina tatou uma nei ai lo tatou leaga, Aleluia! faafetai i lo tatou Atua, Faafetai ia Iesu o lo tatou Faaola.
• Pese 99Lo matou nei Tama, Sisila alofa mai Ia i matou uma nei, Ma e auina mai, O Le na folafola mai, Matou te faatoga atu ai.
• Pese 100Le talosaga nei, Lo matou nei Tama, Matou te ole ai I lou Agaga Sa; Le mea e foai fua mai, Le galuega e ola ai.
• Pese 101Agaga Sa e, o oe E faailoa mai Le alofa o Iesu, E ola ai i matou. O lou fesoasoani mai, Matou te manana’o i ai.
• Pese 102Lo matou nei Tama, Ia e liligi mai O lou Agaga Sa, E faamama mai ai Matou te faanaunau i ai, I lona lava afio mai.
• Pese 103Ia silasila mai, Lo matou nei Tama, Auina ia i matou O lou Agaga Sa. Ia e talia alofa mai. Lo matou nei mana’o i ai.
• Pese 104Matou te faafetai Lo matou nei Tama, I lou auina mai. O lou Agaga Sa; Ua ia galue tele mai, Matou te olioli ai.
• Pese 105Le Agaga alofa e, Ina e afio mai I o matou loto nei, E te tumau ai.
• Pese 106Ia e alofa mai, Lo matou nei Tama, Auina mai ia te i matou O lou Agaga Sa.
• Pese 107Ia faamaligi mai Lo matou nei Tama, Lou lava alofa ia i matou E lou Agaga Sa.
• Pese 108Ia faafetai ma faamanu I le Alii o Iesu, Le na te papatiso mai I lona agaga e ola ai.
• Pese 109Afio mai oe, le Agaga Sa e, Afio mai oe, ina e tinei Le loto leaga, ia tupu mai ai Le loto manino, le loto lelei
• Pese 110Alofa mai ia, afio mai, O oe, Agaga Sa e, Ia e faatonu ia i matou I mea a faia nei. Afio mai, afio mai O oe, Agaga Sa e, Ua faanaunau i ai matou I lou afio mai.
• Pese 111Ia e talia alofa mai Lo matou nei tama La matou valaau lenei I lou Agaga Sa.
• Pese 112Agaga Sa e, afio mai, Ia e galue ai; Ia tupu ai o mea lelei Totonu ia i matou.
• Pese 113Iesu, ia e alofa mai, Aumaia ia i matou nei. E tumau ai ia te i matou O lou Agaga Sa.
• Pese 114Agaga Sa e, afio mai, Ma e galue ai; Matou te talotalo nei, Ia e afio mai.
• Pese 115Pei o le ua e susu ai Le lalolagi nei, E ola ai ma tutupu ai O mea totoina ai.
• Pese 116Agaga Sa e, afio mai O oe e faamatalaina ai Le tala lava ia Iesu, Ma lona alofa ia i matou; O lou fesoasoani mai Matou te manana’o i ai.
• Pese 117Ua fai mai nei le tusi sa: O mai, ina o mai, Ina faasaga ia Iesu, O Le faaola mai. O mai, o mai!
• Pese 118Afai e te fia sao I le malo i luga, Ia momoli lou manao I lo tatou nei Tama, Finau pea, Ma le filifiliga.
• Pese 119Ina faafofoga mai ia, Talitonu ia Iesu, O outou o alaala na, Ia ola ai ma filemu, Ala mai ia, Talitonu ia Iesu.
• Pese 120O outou ua tigaina, E manu’a ma vaivai, O mai i le fia ola Ia Iesu Le lavea’i. E mafaia, Ma ua finagalo ai.
• Pese 121Ala mai ia, ala mai ia, Ina faafofoga mai, O outou e le faalogo, Ina talitonu ai Le alofa O Le togiola mai.
• Pese 122O outou e fia sao I le ola i luga, Finau ia i po ma ao Ma le filifiliga, Ia tatalo I lo tatou nei Tama.
• Pese 123O mai i lenei vaipuna E o nofo sala nei; O le puna o le ola Ua su’ena e Iesu: Faalalanu nei i ai, Tou te faamamaina ai.
• Pese 124Ina talitonu mai ia I le tala ia Iesu, O outou ua mafatia, Ia ola ai ma filemu, Lona maliu tiga Tou te sao ai i luga.
• Pese 125Ua faafetai alofa Malie valaau I e ua tigaina, O mai, ina o mai O e ua mafatia Atoa ma e vaivai, Ina faasaga mai ia E malolo uma ai.
• Pese 126Ina matua sola, Ne’i sau le toasa; Saili ia le ola, Le ola i luga. Ia sola ai Sotoma, Le mea e fano ai; Saili ia le ola, Le ola e ola ai.
• Pese 127Le upu fiafia Ua fetalai Iesu I e ua tigaina, Ua le au filemu Sei faalogo atu I lana valaau, O mai ia ia te a’u E mapu ai tumau.
• Pese 128Afai e fia inu Se tasi ina sau; Le vai ua ia Keriso E ola ai faavavau; Le vai lenei ua sili I vai i lalo nei, Feinu ia atili I lenei vai lelei.
• Pese 129A fia inu nei Se tasi, ina sau, Ua ia Iesu le vai E ola ai faavavau. Ia sau o ia, ia vave mai, Ia inu lava ma ola ai.
• Pese 130Ua fai le faigaai, Ua saunia mai luga; Ua laulauina mai. O mea lelei naua; Ua saunia mo tatou nei Le tausamiga e lelei.
• Pese 131Afai e fia inu nei Se tasi i le vai lelei. Ia sau o ia, ia vave mai, E inu lava, ma ola ai.
• Pese 132Sosola ia, tou te ola ai, Outou e le o mafaufau; Ina saili ia outou Le manuia e faavavau.
• Pese 133Pe mata e talia le Alii, Le sa manu’a ona o i tatou; Pe a vaai i lona puapuaga, Ao fetalai: Ua fai lenei mo oe? Pe le talia ma fiafia oe I Le alofa mai? Iesu ua ou sau ua ou faanaunau, Ua fia avea mo oe.
• Pese 134Ou te tagi, lou Tama e, Ia te oe ia ou ola ai, Ia magalo ou sese, Ia alofa fua mai.
• Pese 135O la’u nei upu tasi pe I lou maliu Iesu e, Ua togiola ai lou sese, Le Faaola e, ua ou sau.
• Pese 136E! Lo’u Alii, ua ou sese I lo’u olaga uma nei, A e faatoese ia te oe; Ia e alofa mai.
• Pese 137Le Faaola e, ua ou sau nei, E leai lava sou lelei, Ae fia tiai le masesei, Ia e talia mai.
• Pese 138E! Lo’u Tama e, ua faafetai Ua sili lou alofa mai, Ua fai ai au ma au tama fai Ta faamanu ai nei.
• Pese 139Lou alofa, le Atua e, Ou te tagi nei i ai; Liuliualo mai ia; Ia faaola ia te au.
• Pese 140Le Alii alofa e, Le na faia i matou Ma ua leoleo mai; Faaola mai!
• Pese 141Ua manuia i latou O e ua lafoa’i A latou agamasesei, Ua latou salamo.
• Pese 142Le Alii e, ia mafaufau I matou uma nei, Ua agasala i matou, Ua agamasesei.
• Pese 143Le Alii e, ia malulu mai O matou loto fatu nei; Foai mai ia le loto fou, Le loto lava e lelei.
• Pese 144Ua soona olioli nei, Lo’u loto ia Iesu; Ua ia faaola ia te a’u. O la’u lea pese fou. Pese, pese, Aleluia! O le la o lo’u agaga oe; Iesu e, o le faaola mai, Ua ou olioli ai.
• Pese 145Ma’eu le molimau a e ua mafai Ona olioli tele ia Iesu; O mea e mafua ai, faapupula mai Seia tatou olioli ia Iesu. Ua alofa mai, ua faaola mai I lenei tagata molimau; Na fai Iesu ma la i le pogisa, E tatau le olioli ia Iesu E tatau le olioli, olioli ia Iesu Fai le tala fiafia E! ua maua le Mesia E tatau le olioli ia Iesu.
• Pese 146Po ua e mau tofi i le malo nei? Po ua e feagai ma Iesu? Sa e nofo sala i le toasa. Po ua maua e oe le lelei? Faafetai, molimau I le toto taua o Iesu Ua sisina ai ofu o le ‘au paia, E alofa Iesu ia te oe.
• Pese 147Ia e afio mai Lo’u Faaola e! Ua na o oe Iesu E ola ai a’u. Ua naunau lo’u loto Ia te oe Iesu e! Se’i e alofa mai, Faaola mai!
• Pese 148Iesu, Le alofa mai, Faamamalu ia te a’u; O oe ou te mapu ai I le galu ma le au. Aua e te tu mamao. A o agi le afa; Tautai mai ia, ia ou sao I le vasa faigata.
• Pese 149Iesu faapaolo mai, Ou te lafi lilo ai, O le toto ma le vai, Na e faamaligi mai; Ou te fia magalo ai, Ma ia faamamaina ai.
• Pese 150Oe na, Le alofa mai, Ua e fesoasoani ai I ou tagata e vaivai;- Ia e fautua mo a’u.
• Pese 151Iesu, o le fiafia Ua matua tupu ai I le manatua pea Lau afio e ola ai.
• Pese 152Iesu e, malie loto I lou manatua mai; A e matua olioli, Pe a e afio mai.
• Pese 153E! Lou Tama e, lau pule mai, Ua ou fia usita’i i ai;- Tiga se mea faigata, Tiga se puapuaga. Ia e fesoasoani mai E tali ma le faafetai
• Pese 154Lo’u lava Alii e, o oe lo’u Matai, Ua mu lota loto, ua nau ia te oe. La ta feagaiga ua faia ia fou, Faamau faailoga ia mau ia te oe.
• Pese 155Lo matou ala e, Matou te ui ai I le ola e faavavau Matou te mapu ai.
• Pese 156E! le ifoga la lenei Ia Iesu le alofa mai; E magalo lelei uma ai Ai lo tatou nei moe mai.
• Pese 157Ave lo’u ola ia aoga Le Alii e, i au feau. Ave o’u aso ua totoe E viia ai o lau afio.
• Pese 158Iesu e, ou te fia fai O la’u taulaga ia te oe; O la’u taulaga faafetai, I lou alofa fua mai.
• Pese 159Lau afioga e lelei, Lo’u Tama e, ua ou sau ai nei, Ia e talia alofa mai, Ia ou matua malu ai.
• Pese 160E! lo’u Alii, le Faaola e, Ia e faaali tino mai Ua e alofa ia te au, Ia ou matua fiafia ai.
• Pese 161E! lo’u Tama e, ua faafetai Lou silasila alofa mai; O lau tofiga ua e fai Ua ou matua fiafia ai.
• Pese 162Afio mai ia, lo’u Alii Ua nau lo’u loto ia te oe; Ia e faalatalata mai, Ina ta mau faatasi ai.
• Pese 163Iesu e, Le alofa mai, Ua ou naunau ia te oe, A tiga au, ma ou vaivai, Ia e manatu mai.
• Pese 164Iesu e, ou te taofia Oe i le fiafia. Na o oe e manaomia. Ia e afio mai.
• Pese 165Fetalai mai, le Alii e, Ia ou lagona pea Lou lava siufofoga; “E le tuua oe!” Ia avanoa lo’u loto, Ia e afio mai; E le o au e ola O oe ou te ola ai. Fetalai mai, le Alii e, “E le tuua oe. Ta te faatasi pea, Lea, e te malo ai.” Ou te malosi pea, Ou te le toe vaivai Pe a ou mautinoa, Ua e faatasi mai.
• Pese 166O mai ia Soma e, ia finafinau, Le taua lelei le taua ua tau; Lo tatou Atua e ‘au ma tatou E ona le mana e manumalo.
• Pese 167Ina tutu i luga E tau ai mo Iesu; Ia sisi lana fu’a Ne’i ai se solitu. E manumalo pea Lo tatou nei Ta’i’au I ona fili uma:- E malo faavavau.
• Pese 168O mai ia faamalosi, Ia tatou la’ei ‘au E tau ai mo Keriso Le taua e tatau. Ia tatou inoino I tu faapalaai, Ae tau faamalolosi Mo Le faaola mai.
• Pese 169Soma e, ia loto tele, Ma tatou tia’i ai O mea mamafa uma, Ma mea faatausuai, Teena pea lava, Ma tatou tinei ai A tatou agasala O tau pipii mai.
• Pese 170Po ua ‘au ma Iesu o i tatou nei, Pe fesoasoani i feau lelei? Pe fai ma savali a Le e ola ai, I e ua ‘au ese seia gaua’i mai. Po ua ‘au ma Iesu o i tatou nei! Pe fesoasoani i feau lelei? Lo matou Faaola, lou alofa mai, Ua noatia ai loto; pule oe i ai.
• Pese 171Le ‘Au uso e, se’i tula’i ia. Oofu ia i ofu tau; Le ‘auupega mai luga Ia tago ia, ia u’u mau.
• Pese 172O mai, ina la’ei ‘au Le itutaua a Iesu; Sauniuni uma mai, E tau le taua e ola ai.
• Pese 173Tatou matua lafoa’i Avega e mamafa mai, A tatou agamasesei Atoa ma mea e faafelavei.
• Pese 174Ia tausinio ma taumafai nei, Ia sao atu ai i le malo lelei: Ia faamalolosi ma finafinau, O vaavaai pea tatou ia Iesu.
• Pese 175Ia matua faamalosi, ‘Au ia ia Iesu:- Tau ma faamau faamaoni. Tau ia, ia mautu. Faamau ia, ua faapea mai a Iesu ia i tatou: Talitonu tatou uma:-tau ia ia faamau!
• Pese 176Tatou finau atu ia I le ala faigata, Seia sao atu ai I maota i luga.
• Pese 177Galue ia seia uma ai O lou malosi taumafai E mulimuli ia Iesu Soia le faafifilemu.
• Pese 178Ia tatou galulue ia Ma Le afio i luga, Saili ia le manuia, Galue ma le filiga.
• Pese 179O oe lo matou nei Alii, Ia e sisila alofa mai, Fesoasoani ia i matou, Ia matou taofi tonu ai.
• Pese 180E lelei mea uma ua i ai Iesu; A faatasi mai ia, ou te filemu So o se galuega! pule lo’u Matai, Ou te loto atu, filifili mai. Sasa’e sisifo, toga poo matu; Ua ia silafia po o le fea itu; Pule mai, lo’u Matai; ou te faia pea O lou finagalo o lo’u loto lea.
• Pese 181Ia faalogologo atu, Ua fesili mai Iesu, O ai ea ua fia galue? tali mai ia so outou. Ua matua le faatoaga; Po o ai e tali mai- “ina faia le tofiga, Ou te alu atu ai?”
• Pese 182Le Alii e, o au savali, Faafetai auina mai; Ua malie le tala’iina Lou alofa e ola ai.
• Pese 183Tautuana le Alii le Faaola Ia faamaoni i tatou i ai; Le agatonu ai ana auauna. Loo ua faatonu mai mea e fai Ta’utino atu lo tatou taofi; Na o Iesu tatou te ola ai. Tautuana le Alii le Faaola; Ia faamaoni i tatou i ai.
• Pese 184Ia galulue pea, Galulue o ao; Ia galulue lava Mo e taumamao Ia galulue pea, Tiga le mugala, Ne’i maumau agaga I le pogisa
• Pese 185Talai le tala moni, Le tala ia Iesu; Tala’i ia lona alofa, Talai le filemu Ia faamatala tonu Le tala e ola ai; Talai na ia afio E togiola mai. Talai le tala moni, Le tala ia Iesu.
• Pese 186Malie pule Iesu e, Matou te faafetai, Ua e tuuina ia i matou Lau galuega nei.
• Pese 187Fafagu mai, Agaga Sa e, I e o faatamala nei; Ia e galue ia i latou Ia ola ai lava ia Iesu.
• Pese 188Le Atua e, lo matou Alii Ia faafofoga alofa mai, Ua matou potopoto nei, E ifo atu ia te oe.
• Pese 189Ia alalaga i le Atua Le lalolagi uma nei. Ia faafetai ma faamanu, Ina vivii i Loo lelei.
• Pese 190Le Faafofoga tatalo e, Ina e silasila mai Ia te i matou o ifo nei, Ma talotalo ia te oe.
• Pese 191Lo matou Tama, le Alii e, Ia e alofa ia i matou O e ua potopoto nei E talotalo ia te oe.
• Pese 192Lo matou nei Tama Matou te faafetai, I lou nei fale sa E potopoto ai; O lou alofa mai lena Ua aumai ai le fale sa.
• Pese 193Ua fiafia a’u nei I lo latou fai mai. O mai ia i le fale sa, E talotalo ai.
• Pese 194Lo matou Atua e, Ia e alofa mai; Fesoasoani ia i matou I au sauniga nei.
• Pese 195Amuia tagata uma Ua lagona i latou I le tala i le ola Ua aumaia e Iesu.
• Pese 196Le Alii o lau pule Ua faatasi ai i matou; Ia nonofo ma le fefe I le tu faalemigao; A e faalogo Ma le ava e tatau.
• Pese 197Iesu, aumai le manuia, Pe a tuua i matou; O le olioli lava Ia tutumu ai i matou; Foai mai le loto tele I le vasa nei ua sou.
• Pese 198Ia fiafia tatou nei, Ia tatou mafaufau. Ua folafolaina mai Le ola faavavau.
• Pese 199Iesu, taitai oe Ia i matou nei, Ui ina tigaina, Matou mulimuli pea, Seia taunuu ai I le nuu lelei.
• Pese 200Le Alii e, pe a uma O le sauniga nei, Ia faatasi pea lava Lau Afio ia i matou Ia talia matou uma I le ola i luga, Ma pepese aleluia Ia te oe e faavavau. Pese aleluia, pese aleluia, Pese aleluia, pepese faafetai.
• Pese 201Ua tatou maua mai O lenei aso sa, E malolo ai i tatou, Ma olioli ai.
• Pese 202Ia tatou faafetai, Ua sau le aso sa, Tatalo ma saili ai Le ola i luga.
• Pese 203Ia tatou faafetai, ua sau le aso sa; Ia tausaili ai Le ola i luga. Le aso nei na toe tu ai. Le puluvaga e ola ai.
• Pese 204Ua faafetai ua maua mai O lenei aso sa; E tausailiili ai O mea i luga.
• Pese 205O le aso lelei lenei, Ua toe aulia mai, Tatou te talotalo ai, Ma tatou faafetai.
• Pese 206Iesu, e ou le aso sa. Le aso nei e aoga, Ia e fesoasoani mai I au sauniga nei a fai.
• Pese 207Le malologa e lelei Le aso sa i lalo nei, E mapu ai i mea tiga Ua mafatia ai i tatou.
• Pese 208Ua toe oso mai le la, Ua tatou malamalama ai, Ma tatou toe iloa ai nei Le aso sa o le Alii.
• Pese 209Ua aulia mai le aso lenei; Ia fiafia ai tatou uma nei; O lenei sapati ia saili ai I lo tatou Alii, tatou te ola ai.
• Pese 210O lo tatou Alii, le na maliu, Ua soifua mai, tatou faamanu. Tala’i atu ia lena Tala Lelei, Na tu mai o ia i le aso lenei.
• Pese 211Iesu, alofa mai, I lou nei aso sa; Ua matou tapua’i I lou nei aso sa; Le Alii alofa e, Ia e talia mai La matou valaau, I lou nei aso sa.
• Pese 212Le aso fiafia Le aso sa lenei, Ia tatou tapua’i I lo tatou Alii. E tele lava aso, E tupu ai tiga, A o lenei lava aso, Tatou te filemu.
• Pese 213Le Alii e, ua faafetai, Aua ua matou maua mai Lou aso sa lenei; Matou te olioli ai Ma ifo atu ia te oe, O oe o loo lelei.
• Pese 214E toatele latou sa potopoto mai I ou luma le Alii e, i lou aso nei; O Siona i luga sa latou nau i ai, O ou lava viiga sa latou saunia
• Pese 215Le aso sa lenei Ua tatou manuia ai I upu e tatau lelei, Ua folafola mai.
• Pese 216Le Alii e, faafetai I lau nei Tusi Sa, E faitau ai ma iloa ai Lou lava toasa.
• Pese 217O Tusi Sa e iloa ai Le mea ua tatou leaga ai, Ma lona taui e tatau, Le oti lea e faavavau
• Pese 218Le Perofeta, Iesu e, Ina e faamatala mai Le Tusi Sa ua iloa ai O lou alofa ia i matou.
• Pese 219E manuia lava O e talia lelei, Le upu mai le lagi, Ma usita’i i ai; Le upu aoga lea, I e naunau i ai. Le ‘oa sili lava E tamaoaiga ai.
• Pese 220Le Alii e, lau afioga O le afi maamaai, E mu ai le otaota I o matou loto nei.
• Pese 221Talofa lava ia i latou, O e ua talia mai Le tala moni ia Iesu, Le tala lava e ola ai.
• Pese 222Aue loto ua leaga, Ua matua soesa; Loto ua maa’a lava, Ua ni fatu faigata; Lau samala, Iesu, ia momomo ai.
• Pese 223O mea fita ma mea sese Ua vavagai tatou uma nei, Ua faalavelave ia te i tatou Mailei a Satani ma lana ‘au ao.
• Pese 224Le masalosalo ia tia’i ai! O lou Alii ua latalata mai, Le folauga nei e tautai e Iesu, E ola ai le vaa, ma saogalemu.
• Pese 225A sousou le vasa o le ola nei, Ma ua faiaina i le faavaivai; Mafaufau i mea, e te manuia ai; E te ofo tele ai ma faafetai. E te ofo pe a faitau ai (E te ofo lava pe a faitau ai) Mea taitasi ua ia fai mo oe! [Mea taitasi uma ua ia faia mo oe!] Mea ua faia e Iesu mo oe! [Mea ua faia e Iesu mo oe!] E te ofo tele ai ma faafetai.
• Pese 226E ui ina tupu o mea tiga, Ma pesi mai pea o mea faigata, A sola uma lava o le ‘au meamamae, Ma latou ‘au faatasi o e ita mai, E iloga le upu e fiafia ai: Le Alii le Atua le tausia mai
• Pese 227Tia’i le fefe ia fifilemu, E tu mai pea lou Alii Iesu; E tumau lava lona alofa mai, Na te faamamalu, ia e malu ai. O agelu mai luga E fesoasoani mai- O lou malu mafala Le ola e ola ai.
• Pese 228E ui ina vaivai o i tatou nei, O ta’ita’i le Alii ma lagolago mai; E ui ina lata mai mea fita; E sulufai atu i Le o i luga.
• Pese 229O mai ia outou, le ‘au meamamae, O tigaina ma loto vaivai, Se’i loto tetele ma le faanaunau. Ia tatou maua atu le ola tumau.
• Pese 230Lagi ia lau pese, pe a faafetai; Ia fiafia ai loto o e ua vaivai. Faailoa le tala ua e fiafia ai, Lo tatou Faaola ua afio mai Pese fiafia, pese faafetai Pese ma le loto, leo tele ai.
• Pese 231Ia tia’i ia le fefe, Soia le faavaivai. Ua silafia lou tagi E le alofa mai.
• Pese 232Lo tatou ‘Olo nei Le Alii e paia. Ua fai ma ‘Olo e lelei E silisili ia.
• Pese 233O Le na puapuaga, O le na maliu tiga, Le Faitoaga e ola ai, Ua toe soifua mai.
• Pese 234Pe a ita tele mai O le lalolagi nei. Ona o le usita’i I lo tatou nei Alii
• Pese 235Le Alii e, le Atua, Le afio i luga I le mea maualuga, E paia ma lelei; E le gata i le lagi Ona e afio ai, Ae fai mou malumalu O le loto salamo.
• Pese 236Ua afio mai Le viia Le ua alofa tele mai; Lona ala ua saunia, Ia faalauleleiina ai; Le Alii e ola ai O ia e afio mai.
• Pese 237Le Alii e, silasila, Ua valea i matou; Ina e alofa lava I la matou valaau.
• Pese 238Le Alii e, tausi mai ia Ia te a’u, le aumau nei. Ou te vaivai, o oe e mana, Taofi mau e lou aao. Le Areto Mai luga fafaga mai.
• Pese 239Ua soona lalelei O laau i lalo nei, Talu le to’ulu mai O le sau e sautia ai.
• Pese 240Lo matou Tama e, o loo i luga, Ia sa lou suafa, ia oo lou malo; O lou finagalo ia faia lena I le atulaulau, pei o i luga.
• Pese 241Lo matou nei Tama, O loo i luga, Alofa mai. Ua agamasesei I matou uma nei Ua e agalelei; Talia mai.
• Pese 242Lo matou Alii e, Iesu. Ia e alofa tele mai; Fesoasoani ia i matou, O tofotofoina nei
• Pese 243Ina e silasila mai, O oe na matou tupu ai, O Le afio i luga, O oe lo matou nei Tama.
• Pese 244O mai ia outou le ‘au meamamae, Ia tatou pepese, ma faafetai, Le pule a le Alii, Le agalelei, Ua toe feiloai ma faatasi nei
• Pese 245Iesu e, le Alii e agalelei, Faamamalu mai ia, ia i matou nei; O lo o latalata mai mea fita Ua siomia matou i mea faigata.
• Pese 246O oe o le Atua Le silasila mai; O loo e silafia Mea uma ou te fai; O lau foi silafaga Ua ati pea mai, I loto ma manatu, Ma, silafia uma ai.
• Pese 247E malie lava le Tala, Le Tala lelei ia Iesu, Le Tala i lona alofa, Le Tala i lona maliu Osana, Osana, pepese! Faaali lea Tala Lelei. Ia pepese Osana ia Iesu Keriso O e ua aofia mai nei!
• Pese 248Aue! o nuu ese uma E o i le pogisa; A ua folafolaina Ona po e manuia ai; Vave mai ia O le tau o Iupeli.
• Pese 249E! Ua latalata lava Ona po e manuia ai, Ua fetalai i nuu uma Le Alii mai luga; Lana pule E te’a ai le pogisa.
• Pese 250Faafetai! ua tupu pea O le malo mai luga, E matua sili lava I malo i lalo nei. E matua talosia O le malo o Iesu; O le malo e mamalu O le malo filemu.
• Pese 251Po ua tuu le tala’i? E leai; ua valaau, Ua alaga Le alofa, Sau ia lava ina sau.
• Pese 252Pe ni a o na auega Ua taalili tele mai? O nuu ese ua alaga, Aue! lavea’i mai.
• Pese 253Tala’i atu i nuu ese le Tala Lelei; Tala’i pea! tala’i pea! Ia fai atu ia i latou, ia latou fiafia; Tala’i pea! tala’i pea! O le a tuputupu pea o lenei malo; O le malo e mamalu ma le filemu, Tala’i ma le fiafia e le aunoa; Tala’i pea! tala’i pea!
• Pese 254Lau afioga Iesu e, Malie e lelei, O le a e afio mai Afio mai ia nei.
• Pese 255Ia tatou faamalosi, Faasaga ia Iesu, Lo tatou tupu moni, E tonu ai tatou O lana afioga Se’i tausi ia i ai; Ua faapea mai o lana Ua fetalaia mai:-
• Pese 256Talofa! oi talofa! I e ua faapaupau, O ifo i tupua, Leaga a latou tu. Latou te le iloa Le Tala ia Iesu, Le malo o le Alii Ma lona agamalu.
• Pese 257Ina afio mai ia, Iesu ia vave mai; Faaali mai lau pule, Lou mana e ola ai. Ia gata ai sauaga Ma mea le tatau O fai ai e tagata, I nuu faapaupau.
• Pese 258Le tupu silisili, Ua e afio mai, Ua e fusia lau pelu, Matou te faafetai. E le o faaletino, Au mea e tau a’i ai A e malolosi lava, Ma’eu le maamaai.
• Pese 259O oe le tupu moni, Iesu e, na o oe, E au le pule tonu Le pule e ola ai, Le tupu oe o tupu, Ina afio mai, Ia tago i lau pule, Ina e pule ai.
• Pese 260Ia ili ia le pu Ia leo fiafia; Ia vave iloa ai O atunuu atoa; Le tau o Iupeli ua sau, Le tau e tuusaunoa ai.
• Pese 261Ia ili ia le pu, Ia leo tele ia, Le Tala ia Iesu, Ia laulau atu ai Ua sau le tau e faafetai, Le tau e malolo uma ai.
• Pese 262Ia faasasau le pu Ia taalili foi, Ia soo atoa nuu, Ia olioli ai. Le tau o Iupeli ua sau, E tuusaunoa ai i tatou.
• Pese 263Loo ua lele lise lava O le ola o fai nei; Ua taulatalata ai ea Tatou i le nuu lelei?
• Pese 264E matua le iloa Ona po e oti ai; Pe auina mai afea Le feau a aami mai.
• Pese 265O le olaga o fai nei Ua foaiina mai, Tatou te sauniuni ai I le o lumana’i.
• Pese 266Tatou te le tumau iinei; Ua folafolaina mai, O lo tatou aai lelei Ia tatou faanaunau i ai.
• Pese 267Ia silasila mai ia Lo matou nei Tama e, Matou te talitonu I mea mai ia te oe Lau pule loo ua faia Ua aveese ai, O ia ua tagisia Sa matou fiafia ai.
• Pese 268Talofa, uso e, tofaina oe! Ua sau le itupo e malolo; E ala oe pe a mavae le po. Tofa! Tofa! Tofa!
• Pese 269Loo ua pepese mai le au agelu, A latou faaneetaga ia Iesu:- Ina afio mai ia oe, le Tupu! O lau feau alofa ua taunuu. Ia pepese pea outou le au agelu! Malie lea pese ia i matou nei; Ia matou manatua le manuia, O e faaolaina e Iesu!
• Pese 270Faatasi ma le Alii! Amene, faafetai! Le upu lea e fiafia ai, Le ola lava lea. A o mau i lalo nei Ua ta mamao ma oe. Ae tauau ina lata ai a’u I lena nuu lelei.
• Pese 271Sauniuni ia tatou, Ta’itasi ma sauni, Pei o le ‘au paia ua sao, Ua taunuu i le lagi. Peiseai o loo tutu tatou i le vaitafe, Ma iloa atu ia i latou, ua sao ua fepulafi.
• Pese 272Ua manuia e maliliu O tumau pea ia Iesu; Ua latou taunuu atu ai; I le aai ua saunia mai.
• Pese 273E tusa ma le faalepo Le ola nei e le tumau, A o le ola atali E faavavau, e mausali.
• Pese 274E moni, ua ta’ua mai nei Le ola o fai i luga; O le malologa lelei, E! fia iloa lena! Lena, lena E! fia iloa lena!
• Pese 275Ua taua mai ia i tatou Le malo lelei i luga, Ua fia maua atu ai, I lo tatou lava Tama.
• Pese 276Ua ta’ua mai le malo Ua matagofie naua, Ma lona lelei e tumau; E! fia maimoa lena.
• Pese 277A mavae le ola nei A le toe ai se la, A tutu o i tatou E lata ane ia Iesu, Ona mautinoa ai lea Lona alofa tele mai.
• Pese 278E gata ai i lalo nei Ona puapuaga; A e malolo lelei I le ola i luga.
• Pese 279Le Atua e, faafetai I lou tausi pea mai Ia i matou o e aumau I le lalolagi nei. Faafetai i lau afio, Lou alofa tele mai.
• Pese 280E matua toatele O laulau tutu latou, Ua laei i ofu sina. I Ierusalema fou. Amuia I latou ua faapena.
• Pese 281Le ola e tumau, Ua talaiina mai; E mapu ai ma filemu O e ua maua atu ai.
• Pese 282Ua talaiina mai Le ola faavavau, Le malologa filemu, Le manuia tumau.
• Pese 283Ua ou aumau iinei Ua le fia fai nuu ai, O mea a lalo nei E le manao i ai. Iesu, lou nuu lelei E naunau a’u i ai, Ua tumu lalo nei I mea e malaia ai.
• Pese 284Amuia i latou o loo i luga O loo mafuta ai ma lo tatou Tama; Ua latou faatasi i le Malo lelei, Ua latou tuua o le lalolagi nei.
• Pese 285Amuia latou ua mau i luga, Ua tuana’i ai o mea fita; Ua taufaipepese i nei ona po Lena toatele ua manumalo.
• Pese 286O i le lagi i luga la tatou aai, E le o i lalo o le lagi iinei, Ua faamavaeina ma lafoaiina ai Le fanua malaia ua tatou i ai.
• Pese 287E manumalie i latou, O e o mau i luga; E mapu ai malolo Ai puapuaga.
• Pese 288Ua ou aumau iinei, O luga lo’u nuu; Leaga lalo nei O luga lo’u nuu; O i lalo nei tiga Ma puapuaga; O i luga lo’u Tama, O luga lo’u nuu.
• Pese 289E! le lagi e, lo’u Tama o i ai, E! le lagi e, lo’u Tama o i ai. A valaauina, alu loa, E nofo faatasi ai. Alu ia, alu ia i le nuu paia, Alu ia, alu ia i le nuu paia, A valaauina alu loa, E nofo faatasi ai.
• Pese 290O i luga i le lagi Malologa e tumau, Ua afio ai le Faaola, E sauni mo tatou O i tala atu o Ioritana, I le nuu o Etena, O le malologa sili, Tou te mapu ai; O e ua tigaina, O e ua vaivai, Ma e ua mafatia E malolo i ai.
• Pese 291Le maota i le lagi, O i ai le filemu; O i ai le Taimua Sili. Lo’u Alii o Iesu I tala atu o le oti E te maua ai le ola; O le mapusaga sili; O i ai le filemu.
• Pese 292Ia manatua e i tatou Le aso tele atali; Le aso lea e iu ai Le lalolagi uma nei.
• Pese 293O le aso gataaga, Pe a toe afio mai O Iesu ma lona mana, E maofa tele ai Ona fili, E fefefe ai latou.
• Pese 294E afio mai Keriso Ma agelu mai luga, E afio mai i ao, Le na maliu mo tatou, Aleluia! E afio mai Iesu.
• Pese 295E afio mai Iesu, Ma agelu mai luga, E faamasino mai Le lalolagi nei. E toe afio mai Iesu, E leo tele ai le pu.
• Pese 296Le Alii e, lo matou Alii, O oe ua tausi ia i matou. Ia faafofoga alofa mai I lenei lava taeao.
• Pese 297Le Alii e, lo matou Atua, Ia faafofoga alofa mai Ia te i matou atoa nei, O ifo atu ia te oe.
• Pese 298Ua usu mai au mea lelei, Ua aumai mo le aso nei, Ia ou talia ma faaaoga Au mea alofa le Tama.
• Pese 299O loo ua te’a le pogisa, Ua toe oso mai le la, O loo ua malamalama ai, Tatou te fiafia i ai.
• Pese 300Lo’u agaga, ala mai, Fai ai ia lau faafetai; Lou Alii o loo le moe Ua na tausi ia te oe.
• Pese 301La matou faafetai A sauni atu nei I lau afio le Alii e, Lo matou nei Tama.
• Pese 302Le pogisa ua alu, Ua oso mai le la, Ua tele lou mamalu, Lo matou nei Tama.
• Pese 303O a’u na ou taoto, Na moe o filemu, O lagolagoina, Ma tausia e Iesu Malie lou alofa Le leoleo lelei, Ua maua ai lo’u malosi Ua toe ala ai nei.
• Pese 304Ua e alofa tele, Lo matou leoleo e, I lenei lava aiga Ua matou ala ai nei. Sa pei o e ua oti. Sa taatia uma ai; Lenei, ua malolosi, Ua toe nonofo mai.
• Pese 305Le Tama e, ua ou maua ai O le aso fou lenei; O lau mea alofa lea, Ia e tausi, ia lelei, Na o oe e lelei ai, Lenei aso ua aumai.
• Pese 306Ia faafofoga mai Lo matou Leoleo e, Ia i matou nei. Matou te faafetai. I lou alofa mai, Ua foaifuaina ai, O mea lelei.
• Pese 307Tatou faafetai I le po lenei I le Alii, Le alofa; E ma’eu, ua sili lava Lona tausi mai I le aso nei.
• Pese 308Pupula mai Iesu e, le La I lo’u nei loto pogisa; Nei ai se ao e tupu mai Nei lilo oe i la’u vaai.
• Pese 309Lo’u Atua, ua faafetai I mea lelei ua foai mai, O lenei po pe a ou moe. Ia ou mamalu ia te oe.
• Pese 310Matou te nau e faafetai, Iesu, aua lou tausi mai: E le aunoa o ao ma po Lou aumai ai le malolo.
• Pese 311Malie pule, le Alii e, O lou alofa mai, Ua aulia ai e i matou nei, O lenei lava po.
• Pese 312Malie pule faafetai I lou tausia pea mai Lo matou nei Tama e, E le aunoa, pe utuva Lou aumai mea lelei naua, I aso ua mavae.
• Pese 313O le la ua goto, Ua sau le po Tatou a taooto. E malolo. Ua faafetai, Na tausi mai Lo tatou Faaola, I lena ao.
• Pese 314O le vaiasosa A tuana’i ai nei, Tatou faatalitali ai I le aso lelei.
• Pese 315Ua taulata mai le aso lelei, E malolo ai o tatou tino nei I a tatou feau na tautiga ai; Ua tea atu ia ua le soesa mai.
• Pese 316O le alofa o Iesu Ua maua ai e i tatou Lo tatou faamoemoe lelei, Tatou pepese ai; Le faamoemoe e fiafia ai Ua foaiina mai, Tatou te mau faatasi ai Ma Iesu i luga; E mau ma Iesu i luga, Ma Iesu i luga, Tatou te mau faatasi ai, Ma Iesu i luga.
• Pese 317Ia faatasi pea Iesu ma oe! Tausi ia te oe lau pele! Ia faatonu pea lou ala; Ia faatasi pea Iesu ma oe! E tumau! E tumau! E tumau le faamoemoe Ia Iesu! Ia Iesu! Ta te toe feiloa’i ai!
• Pese 318Sau lau pele e faatofa! O le a ta tete’a nei; O le aso faigata! A o le tatalo nei:- ia i ai i lo ta va. O le Alii le Tama.
• Pese 319Talofa! Uso e, tofaina oe! Matou te talosia oe. Ia fai Mesepa ma ta upu faamavae. Tofa! Tofa! Tofa!
• Pese 320Malie pule, le Tama e, Ua matou maua ai mea lelei O oe ia matou fiafia ai Ao tumau le ola nei.
• Pese 321Ua faafetai le Tama e, I mea ua matou maua nei; Fafaga uma lau fanau I mea lelei e faavavau.
• Pese 322Le Leoleo sili, Ia silasila mai I lau Ekalesia Ua potopoto nei. Ua e matua alofa, Ua matou penei ai, Sa matou agasala Na e saili mai.
• Pese 323Ua avea le upu moni Ma maota lalelei, E viia ai le Atua I le lalolagi nei; A o lona lagolago, E tu ai ia faamautu, Le Ekalesia lea, Ua taulia e Iesu.
• Pese 324Iesu e, o lou tovine. Silasila mai i ai, O laau ua tali mate, Ua le au uaina mai, Ona fua a malili I le mugala ua fai, O le ua aoga sili, Ina e toina mai.
• Pese 325Faafetai le Atua e, Ona o lou aiga nei, I le talitonu pea Ma le nofo faalelei: O lou mana, Ua maua ai lenei lelei.
• Pese 326Le Alii e, lou tovine O lau pule na to ai Ia e talia le manao I le fia uaina mai Ia e faafofoga mai Lou tovine tausi i ai.
• Pese 327Lo matou Alii e, Iesu, Silasila alofa mai Ia te i matou atoa nei, Ma e fesoasoani mai.
• Pese 328Lo matou Alii e, Iesu, Ua matou fiafia ai nei Ona o matou uso ia, Ua e faaopoopo mai.
• Pese 329O mai ia sei manatu I lona alofa mai, O Le na afio atu I Kana, e auai I lena sauniga, Ma lena faiga ‘ai Na liu ai ma uaina E ia, le suavai.
• Pese 330Le muai faatasiga, E lei mai lalo nei; Na faia i Etena Na fai e Loo lelei. O ia na fetalaia, E le se mea lelei Le nofo toatasi Se tasi i lalo nei.
• Pese 331O mai ia tatou faamanu Ma tatou faafetai, Ma talotalo ia Iesu I lona auai mai.
• Pese 332Oe na, Le alofa mai Sisila mai ma e auai; Le faatasiga a fai nei Ia manuia, ia lelei.
• Pese 333Ia to mai le manuia Ia avea pei o le sau, Ia afio lou Agaga I a matou nei fanau Le Tama e, Ia e faia latou mau.
• Pese 334Lo matou nei Tama Ia e talia mai O tamaiti uma nei Ma e faaolaina ai.
• Pese 335O oe Le pule aoao, I luga ma i lalo nei Ia alofa tele mai I tamaiti uma nei.
• Pese 336Le Atua, le Tama e, Faafofoga alofa mai Ia talia e fai ma au O a matou nei fanau.
• Pese 337O Le Leoleo moniUa alofa tele mai I tamai mamoe uma Na ia valaauina ai.
• Pese 338Ia tatou vivii i lo tatou Atua, I folafolaga ia te i tatou, O e matatau i lona suafa, O e o nonofo i lona malo.
• Pese 339Iesu, matou te faanaunau I lou alofa ia i matou; Afio mai ma e auai I sauniga nei a fai.
• Pese 340O le Leoleo sili Ua matua alofa mai: Ua na togiolaina Lana lafu ia ola ai O le Epikopo moni Ua na pule e lelei Ona tofia leoleo Ia tausia ai tatou nei.
• Pese 341Le Alii e, le Atua, Faafofoga alofa mai Ina manu mai lou mana I lou fale nei ua fai Faapaia I le fale nei mo oe.
• Pese 342Ia pupula tele mai Lou mamalu, le Alii e, I lou malumalu nei, Ua faasaina ai mo oe.
• Pese 343Ia silasila mai ia Lo matou nei Tama; Matou te tuuina atu Le fale nei ia sa. Ia fai mou malumalu, Le fale sa lenei, E osi ai taulaga E tonu, e lelei.
• Pese 344Ia o mai ia outou uma E ua fiafia ia Iesu. Ta’uta’u atu lea suafa I le fale nei ua tatou fai. Pese, pese aleluia, Fai viiga e tatau i ai Lona alofa, lana pule tausaga ua mavae.
• Pese 345Fai le tala o le aso nei! Lo tatou Faaola, Le feau alofa Na afio mai ia; faafetai, Sauniga fiafia e tatau ia fai. O le pese ua usu mai Ua se mea e ofo ai. Ia faalogo i ai tatou Ma ia talitonu ai.
• Pese 346E! O leo mai le lagi, Ua malie tele mai! O agelu ua sauni Aleluia mai luga.
• Pese 347E! Le aso fiafia Sa faatalitali ai! Ua afio mai le Tupu, Ua malie alofa mai. E! le Tama meamea Na fanau i lea po; Le Faaola o Keriso Ua fanau mai mo i tatou. Tata logo mo le lotu, Ia faatasi ai tatou; O pese a Agelu, Ia pese ai tagata, E! le aso ua lelei, ia fiafia ai.
• Pese 348Lenei aso muamua O lenei tausaga fou, Ia viia ai le Atua, Ua na alofa ia i tatou Aleluia! Faafetai i le Alii.
• Pese 349Ua faafetai, ua maua mai Lenei tausaga fou, Aua le pule mai luga. Ua tausi ai matou.
• Pese 350Ua tatou maua mai Lenei tausaga fou; Fai ia le faafetai Pepese ai tatou. Ua faafetai, ua faamanu. Malie pule a Iesu.
• Pese 351Lenei tausaga fou, Ua tatou aulia ai; Ia faafetai ai ia Iesu, O Le ua tausi mai.
• Pese 352Le Atua mamana e, Silasila alofa mai I le malo o Samoa, Faamamalu mai i ai, O lou mana E saosaogalemu ai.
• Pese 353Lota nuu moni, ta te fiafia ai, Ou te saili mea e manuia ai; Ia e uluola fai ma nuu tumau, Samoa ia moomia i nuu e mamao. Tama Samoa, sauni mai viiga, Ia fai le faafetai. Lo tatou nuu, Lo tatou nuu, ia talosia Lo tatou nuu, ia manuia.
• Pese 354O le pogisa sa tele Pei se laau mafala, I Samoa uma lava Sa pupuni ai le la:- Sa le taunuu ai le timu I le mea lafua Sa tutupu na o vao E leai sona aoga.
• Pese 355Fiafia outou auauna a Iesu, Ua iloga lava lona alofa mai I tausaga ia o loo ua mavae A ia outou finau pea Ua faatasi mai pea lo outou Matai; E le liu lava ia ae tumau mai Lona faamalosi i e ua i ai, O le fia finau pea. Finau pea-finau pea: Ia malo-ia malo; Finau pea-ia malo, O le tala ia Iesu. Fiafia outou auauna a Iesu Ua iloga lava lona alofa mai I tausaga ia o loo ua mavae A ia outou finau pea.
• Pese 356Lota nuu ua ou fanau ai, Ua lelei oe i le vasa e, Ua e maua mai luga O le tofi aoga! Samoana, ala mai Fai ai nei le faafetai, I Le pule ia maua ai O lou nuu i le vasa e.
• Pese 357Iesu matou te faafetai Faafetai, faafetai! Ua faafetai alofa mai, Faafetai, faafetai! Na e afio mai luga Na maliu puapuaga Ia matou saogalemu ai, Faafetai, faafetai!
• Pese 358O Tama o Siona Na latou vii ia Iesu; E vivii foi i ai Tama i nei ona po. O leo o tamaiti, E osana ia Iesu!
• Pese 359Ia pei o Tanielu Le na loto mau, Aua na le auai ia I mea le tatau Ia pei o Tanielu Ia taofi mau; E ui ina na o oe, Ia e loto mau.
• Pese 360Iesu e, o lou toto, Ia ou magalo ai; Ai a’u nei agasala, Ma faamamaina ai; Ia aveeseina Lo’u loto vaogata; Ia taitaiina pea, E lou Agaga Sa.
• Pese 361Iesu o i le lagi Na ia afio mai, Ua tino i tagata E maliu tiga ai; O ana aposetolo Ua latou tusi mai, Le tala uma lava O lona alofa mai.
• Pese 362Na afio mai Keriso, Ia ola ai i tatou; Na pese tama iti Osana ia te ia. Na le vaoia e ia Viiga a latou, A e faafofogaina, Ma fiafia i ai. Osana, osana, osana, osana! Osana lava ia Iesu!
• Pese 363Ia susulu atu o i tatou, Faapei o le moli i le pogisa. La tatou amio ia lelei O oe i lou nuu, o au foi i lou.
• Pese 364Iesu e, lou leoleo Ia e faafofoga mai, Tausi mai e lau Afio, Ou te saogalemu ai.
• Pese 365Mafaufau ia tamaiti, I le puapuaga O le Faitoaga moni Le na afio mai luga.
• Pese 366Ua alofa tele mai Iesu, Ua alofa lou Faaola; Ua agasala tele a’u. Na tiga ai lou Faaola; Ua fautua i le Tama. Mo au nei, lou Faaola; E maua ai maota lelei E aumai lou Faaola. Iesu e, Iesu, O Iesu lou Faaola. Pe ta te faatasi afea Ma oe, lou nei Faaola!
• Pese 367Malie pule a Iesu, Na afio mai i Kanana; Na maliu puapuaga Ia ou sao i Kanana Ua tu mai ai palealii I luga i Kanana; Laupama foi e iloga ai E ua sao i Kanana. Kanana e! Kanana e! O lo o lelei Kanana; E tele ai le fiafia, Tatou o i Kanana.
• Pese 368Fai mea tonu, o mea lelei Mo le Alii o le i luga; Fai mea uma e fiafia ai. Lo tatou Alii, e ola mai ai. Fai, fai mea lelei.
• Pese 369Na afio mai luga E seu ai le toasa; Ae le galo ia Iesu Tama pei o au.
• Pese 370Lo’u Alii ua faafetai I lou saga alofa mai, Ua iloa tino ai I lou tausi pea mai. O lou alofa, o lou alofa, o lou alofa, E sili lava lea.
• Pese 371Laulau mai pea ia te i matou, Upu lelei e ola ai! E fiafia atili ai, I upu lelei e ola ai! Upu malie i loto E maua ai le ola. Upu lelei! upu malie! Upu malie e ola ai!
• Pese 372O le nuu e lelei, Mamao, mamao; O i ai le ‘au paia, Pei o le ao. Ua taufaipese ai Latou uma ia Iesu; Ina vivii i ai, Ina vivii.
• Pese 373O mai, outou tamaiti, Tou te ola ia Iesu; O ia Le alofa tele I e o atu ia te ia. Tamaiti e, Vave mai ia ia Iesu.
• Pese 374Tama iti, ia vivii Le suafa o Iesu, Ua sisila mai o ia Ma alofa ia i tatou; Ia pepese Aleluia ia Iesu.
• Pese 375Ta mai ia kitara, olioli nei I le uso le ua toe lelei, Loo ua fonofono le Tama lelei I le uso le ua masesei Ina olioli tatou nei; Ua ta mai kitara i luga, Ua pepese mai le au paia ua sao I le uso le ua toe lelei.
• Pese 376Pe tatou te sao atu I le lagi i luga? I le manuia moni, E i ai le au paia. Ioe, tatou te potopoto I luma o lo tatou Faaola Potopoto uma tatou I le lagi i luga.
• Pese 377O i ai i lalo nei Mea ua tiga ai i tatou, A e mapu i luga. Ina olioli, Tatou olioli, Olioli lava I le ola I luga.
• Pese 378O le alofa mai O le Atua mo’i O tatou e ola ai, Ma olioli foi. Ia tatou faafetai, Ma faamanu i ai, I Le alofa mai, Le pogai e ola ai.
• Pese 379Pe fai ea oe mo’u Tama, O le afio i luga? Ma silasila alofa mai I le leaga ma vaivai?
• Pese 380Ia fai ma sulu e mumu, Lou ola ua fai nei; Ia ou foliga ia Iesu I la’u amio lelei.
• Pese 381Pe a ou faitau lena Tala Lelei Ia Iesu a o i lalo nei, O le valaauina o tama e ia, Ta manatu faapea i ai: Ana ou lagona atu i upu lelei Na ia fai atu i le ‘au soo. Tuu mai tama iti, o mai ia latou. Po ua fiafia atu i ai.
• Pese 382O Iesu, e foa’i fua mai Fua lava, fua, O Iesu, e foa’i fua mai Le vai e ola ai tatou. O mai i le puna, e inu ai, Fua lava, fua, O mai i le puna, e inu ai, Inu seia malie. Ua valaau mai o Iesu, Ave fua lava: O le ua fia inu, ina sau, Ma inu i vai e ola ai. Ua tafe mai pea lava, Pea lava, pea, Ua tafe mai pea lava, E malie ai oe ma a’u.
• Pese 383Tamaiti vave mai Ia Keriso ia ola ai I luga. Pese aleluia, Pese aleluia. Vivii ia Iesu.
• Pese 384E fiafia i le tala ia Iesu, Ua tuua e ia le lagi i luga. Ua afio mai o ia ua maliu mo i tatou, E fiafia i le tala ia Iesu, O Iesu lea, ua aveesea O a’u amio sese, Ma faaola mai. O Iesu lea ua afio mai luga. Ia ou mau ai ma Ia, I aso faavavau.
• Pese 385O ai ea lo tatou Ola? O Iesu, na o ia, O le ola e le uma E maua ia te ia.
• Pese 386O lena nuu lelei na’ua, O i ai le ‘au pa’ia, E ao ai pea e faavavau, Leai se pogisa. Tatou te o malaga nei I lena nuu e tumau. E nofo pea e faavavau Ma Iesu Le faaola mai. Pe moni lava lea? E moni lava lea. Pe moni lava lea? E moni lava lea. E nofo pea e faavavau Ma Iesu Le faaola mai.
• Pese 387E toatele tamaiti O e vagavagai Le nofoalii i luga, O taufaipese ai. O pepese, pese, pese!
• Pese 388Outou tamaiti, Faalogo mai, Ina talitonu, Tou te ola ai, Faalogo mai, Tou te ola ai, Ina talitonu, Tou te ola ai.
• Pese 389Le Mesia, le Mesia, Ua alofa o ia, O ia ua alofa, Ia talia o ia.
• Pese 390E ono viiga a tamaiti uma, Latou te taufaipese ai viiga O Iesu, Aua o ia na fetalai I tamaiti na aumai: Ina tuu mai ia, -Soia le vavao.
• Pese 391O Tamaiti na avane ia Iesu, Na tulia i latou, ‘aua le o mai, Na silafia e Iesu, Na ia fetalai atu: O mai pea tamaiti ia te a’u.
• Pese 392Iesu, Iesu e, Na ia alofa mai.
• Pese 393Sauni, sauni la tatou nei viiga, Aua ua alofa tele mai lo tatou Atua: Le Atua lava le Tama. Le Alo, le Agaga Sa, Ua alofa tele, ua faaola mai.
• Pese 394A o lei moe ua faafetai Ia Iesu ua aumai Mea lelei i le aso.
• Pese 395Matou te vivii ia te oe Le Atua e, Matou te talitonu O oe o le Alii.
• Pese 396Faafetai i le Alii le Atua O Isaraelu Ina ua asiasi mai o ia, Ma togiolaina lona nuu.
• Pese 397Ua vivii atu lo’u loto i le Alii, Ua fiafia lava lo’u loto i le Atua lo’u Faaola: Ina ua silasila mai o ia, I lana auauna fafine ua faamaulaloina.
• Pese 398Le Alii e, e te tuuina atu nei lau auauna, Ia alu ma le manuia pei o lau afioga, Aua ua iloa e ou mata le faaolataga mai ia te oe. Ua e saunia i luma.
• Pese 399Ua tala mai e le lagi Le mamalu o le Atua, Ua faaalia foi e le vanimonimo, Le galuega a ona aao.
• Pese 400Le Atua e, ia e alofa mai ia te a’u, E tusa ma lou lava alofa mutimuti vale.
• Pese 401Tula’i ia ina malamalama ia; Aua ua oo mai lou malamalama; Ua alu a’e foi le pupula O le Alii i ou luga.
• Pese 402E matagofie na’ua o latou vae O le aumai le Tala Lelei O le logologo mai le manuia, O e aumai le Tala i mea lelei.
• Pese 403O Malo o le lalolagi Ua avea mo lo tatou Alii ma lona Keriso, Le Alii e, le Atua E ou le malosi uma lava.
• Pese 404Le Atua e, lo matou Alii, E silisili lava lou suafa i le lalolagi uma lava. O oe lava ua e faasilisili Lou viiga i le lagi.
• Pese 405O Le Alii, O lo’u leoleo mamoe o ia, E leai se mea Ou te mativa ai.
• Pese 406O le lalolagi ma mea ua tupu ai, O a le Alii ia, O le atulaulau Ma e o nonofo ai.
• Pese 407Ina faaea ia i luga O outou ulu, outou faitoto’a e, Ina faaeaina i luga O outou puipui o le faavavau e.
• Pese 408Ou te faafetai i le Alii I aso uma lava, E le aunoa, Ona viiga i lo’u gutu.
• Pese 409E tolauapi le agelu a le Alii E si’osi’omia ai E o matata’u ia te ia E lavea’i foi o ia ia te i latou.
• Pese 410Le fanau e, ina o mai ia, Ina faalogologo mai ia ia te a’u; Ou te aoao atu ia te outou, Ia matata’u i le Alii.
• Pese 411Ua alalaga e ua amiotonu, Ona faafofoga mai ai lea o le Alii; Ua ia lavea’i mai foi ia te i latou Ai o latou puapuaga uma.
• Pese 412Ia alofa mai le Atua ia i matou Ma ia faamanuia mai i matou; Ia malamalama mai Ia te i matou ona fofoga.
• Pese 413O mai ia, ia tatou alalaga fiafia i le Alii Ia tatou alalaga i le papa o lo tatou olataga. Ia tatou o atu i ona luma ma le viiga; Ia tatou alalaga ia te ia i pese.
• Pese 414Ia alalaga i le Alii Le lalolagi uma; Ia outou auauna atu I le Alii ma le fiafia.
• Pese 415Lo’u agaga e, Ia e faamanu atu i le Alii O mea uma foi i totonu ia te a’u Ia faamanu i lona suafa paia.
• Pese 416E faia e le Alii mea tonu, Ma faamasinoga mo e ua sauaina uma lava; Na ia faailoa ona ala ia Mose O ana galuega i le fanauga a Isaraelu.
• Pese 417O le tagata, E pei o le mutia ona aso E pei o le fuga o le vao E faapea ona fuga mai o ia.
• Pese 418Ia outou pepese atu i le Alii I le pese fou; Le lalolagi uma e, Ia outou pepese atu i le Alii.
• Pese 419Ia outou pepese atu i le Alii i le pese fou; Aua o vavega na na faia: O lona aao taumatau, o lona lava aao paia Ua ia fai ai le olataga.
• Pese 420O le aso lenei Ua faia e le Alii Ia tatou olioli Ma fiafia i ai.
• Pese 421E faasaga a’e o’u mata i mauga, E oo mai ai lo’u fesoasoani O lo’u fesoasoani mai le Alii lea, O le na faia le lagi atoa ma le lalolagi.
• Pese 422Na ou fiafia Ina ua latou fai mai ia te a’u, Tatou te o I le fale o le Alii.
• Pese 423Lo’u Atua e, o le Tupu, Ou te faaneenee ia te oe, Ou te faamanu atu foi I lou suafa e faavavau faavavau lava.
• Pese 424Le Alii e, e vivii atu ia te oe Mea uma na e faia, E faafetai atu foi ia te oe Ou tagata amio Atua.
• Pese 425Ia outou vivii atu I le Alii mai le lagi; Ia outou vivii atu ia te ia I mea maualuluga.