Pese 62

Uo ma uso ma alii,

O ou suafa ia.

O au auauna matou nei

Ua e alofagia.

Tagata agasala nei,

Tagata e vaivai

Ae ui i lea ua e talia,

Ia mafuta ai ma oe.

Ua tofu ma le mea e fai

A e eseese ia;

O oe e faailoa mai

O mea e mafaia.

Ua matou ofo i lenei,

Pe a ta’ua au uo;

Ua ala i lau mea na fai

E sui a’i matou.

O oe le Vine, le pogai,

O lala matou nei;

Ia matou tumau ia te oe,

Ia fua ai fua lelei.

O mea sa fai ua le aoga,

Ua lafoa’i ai;

A o lou maliu tiga,

Ia ou faatusaina ai.

E le o mea i lalo nei,

Ua matou sailia;

Le ola lilo ua i ai

Lo matou manuia.

O lou alofa ua fai ai

O i matou mau uo;

Iesu e, silasila mai

Ma pule ia i matou.