Pese 418

Ia outou pepese atu i le Alii I le pese fou; Le lalolagi uma e, Ia outou pepese atu i le Alii.

Ia outou pepese atu i le Alii Ia outou faafetaia lona suafa, Ia outou talai atu lana faaolataga, Ia lea aso ma lea aso.

Ia outou ta’uta’u atu lona mamalu I nuu ese, Ma ona vavega I nuu uma lava.

Aua e silisili le Alii E tusa foi ona matua viia o ia E sili ona mata’utia o ia, I atua uma.

Aua o atua uma o nuu O tupua lava ia; A o le Alii Na ia faia le lagi.

O loo i ona luma Le viiga ma le matagofie; O loo i lona malumalu Le malosi ma le mamalu.

Outou o itu aiga o le nuu Ia outou avatua i le Alii, Le viiga ma le malosi.

Ia outou avatua i le Alii Le viiga o lona suafa; Ia outou avatu taulaga, Ma outou o atu i ona lotoa.

Ia outou ifo atu i le Alii I le mamalu e matagofie, Ia outou gatete i ona luma Le lalolagi uma.

Ia outou fai atu i nuu ese, Ua fai le Alii ma tupu, E faatumauina ai le lalolagi ne’i faagaeetia. Na te faamasinotonuina le nuu.

Ia fiafia le lagi, Ia olioli foi le lalolagi, Ia taalili mai le sami Ma mea ua tumu ai.

Ia fiafia lava le laueleele, Ma mea uma o i ai, Ona alalaga fiafia ai lea o laau uma o i le vaomatua, I luma o le Alii.

Aua o loo afio mai, Aua o loo afio mai e faamasino le lalolagi; Na te faamasinoina le atulaulau i le amiotonu, Atoa ma nuu i lona faamaoni.