Pese 68

Iesu, ia e tausia,

Ia lata ia te oe

O au, ia malutia

Ma saogalemu ai.

Ua siosioina

E fili faigata

E gata i lou mana,

Ia fai mo’u talita.

O oe le lafitaga

Ia ou mamalu ai’

O oe le solataga

E sulufai i ai.

O lou aao malosi

E tulia ese ai,

Ma faiaina ai lava

Latou ua ita mai.

O lou alofa lava

E tausia pea mai,

Pe a faalavelave

O mea e tigaina ai,

O lou fesoasoani

Ia latalata mai,

Ia ou faapalepale

Ma onosa’i i ai.

Ia vave mai le aso

E nofo tumau ai

O a’u i lou maota,

Ma ou vivii ai

Lou mana, lou alofa,

E saogalemu ai

I lena mapusaga

E fifilemu ai.

Iesu e lou mamalu,

Ma lou alofa mai,

E fiafia ai pea

Tagata ua ola ai,

E tumau ou viiga,

E ‘au faatasi ai

Agelu ma tagata

Ma tau fai faafetai.