Pese 396

Faafetai i le Alii le Atua O Isaraelu Ina ua asiasi mai o ia, Ma togiolaina lona nuu.

Ma ua faatuina le nifo o le olataga Mo i tatou I le aiga o lana auauna O Tavita.

Faapei Ona fetalai mai e ia I fofoga o ana perofeta paia Talu mai anamua.

O lo tatou olataga lava lea I e ua fai i tatou ma fili Ma lima o e ita mai uma lava Ia te i tatou.

I lona alofa I o tatou tama I lana feagaiga paia.

Le tautoga Na ia tauto ai Ia Aperaamo Lo tatou tama.

E foai mai Ina ia laveaiina tatou Mai lima o e ita mai Tatou te le fefefe ai.

A e auauna ia te ia Ma le paia Ma le amiotonu i ona luma I aso uma o lo tatou ola.

O oe foi le tama E ta’ua oe o le perofeta a le Silisili ese Aua e te muamua atu i luma o le Alii E sauni i ona ala.

E faailoa atu Le olataga i lona nuu I le faamagaloina O a latou agasala.

Ona ua mutimutivale le alofa O lo tatou Atua Ua asiasi mai ai Le malamalama mai luga.

E faamalamalama ai i e nonofo I le pouliuli ma le ata o le oti E ta’ita’i o tatou vae I le ala o le manuia.