Pese 66

O le Leoleo mo i tatou nei

O le Alii lea le tausia lelei;

Ua iloga lava lona alofa mai,

Lona alofa tele ua tausia mai ai.

O le Leoleo le alofa mai.

Ua na togiola tatou ia ola ai;

Ua na foaiina lona Agaga Sa,

Ia mama ai loto ia sao ai i luga.

O le Leoleo le alofa mai

Na te faamavae mea e tagi ai,

Ina mulimuli tatou ia te ia

So o se ala lava ua na saunia.

O le Leoleo le alofa mai.

Lona siufofoga tatou fiafia ai.

Tiga ina sasa ua alofa mai;

Na o ia e faia mo tatou Matai.

O le Leoleo le alofa mai

Na te malutia tatou ia sao ai;

Tiga le alaga luko e fe’ai,

E le afaina e le maua mai.

A tatou savali i le pogisa

A taumilo lava ma se mea fita

E leai se fefe, e leai se ma

O le Leoleo na sao ai i luga.