Pese 395

Matou te vivii ia te oe Le Atua e, Matou te talitonu O oe o le Alii.

E ifo tagata uma ia te oe Le Tama e, faavavau. E alalaga atu ia te oe Agelu uma.

O le lagi o lagi Ma e o aofia ai. E alalaga pea ia te oe Kerupi ma Serafi.

E paia, e paia Le Alii le Atua, Le Alii Le Atua o Sapaota.

O loo tumu le lagi Atoa ma le lalolagi I le silisili ese O lou mamalu.

O le ‘au Aposetolo mamalu, Latou te vivii Ia te oe.

O le ‘au perofeta ua mafuta faatasi I le manuia, Latou te vivii Ia te oe.

O le ‘au tau na molimau E oo i le oti, Latou te vivii Ia te oe.

O lau Ekalesia paia e aoao I le lalolagi uma, Latou Te ta’ua oe.

O le Tama silisili ese O lou Alo moni ma le faamaoni e toatasi Atoa ma le Agaga Sa, Le Fesoasoani.

Le Keriso e, O oe o le Tupu mamalu O oe le Alo e faavavau O le Tama.

E te le’i inoino I le manava o le Taupou Ina ua e afio mai E faaola i tagata.

Na e manumalo i le tiga o le oti Ona faaavanoaina lea e oe O le malo o le lagi Mo tagata faatuatua uma lava.

O loo e afio i le itu taumatau o le Atua I le mamalu o le Tama Ua matou talitonu e te afio mai. E te faamasino mai ia te i matou.

O lea ua matou talotalo atu ai ia te oe Ia e fesoasoani i au auauna O e ua e togiolaina I lou toto taua.

Ia faitauina i latou Faatasi ma le ‘au paia I le manuia E faavavau.

Le Alii e, Ia e faaola i lou nuu Ia faamanuia mai I lou lava tofi.

Ina e pule mai ia Ia te i latou Ma ia e siitia I latou e faavavau.

Ua matou faaneenee atu ia te oe I lea aso ma lea aso I le ua matou faapaiaina Lou suafa e faavavau lava.

Le Alii e, ia e alofa mai, Ma ia e tausi mai ia te i matou Ina ne’i matou agasala ia te oe I le aso nei.

Le Alii e, Ia e alofa mai Ia e alofa mai Ia i matou nei.

Le Alii e, ia oo mai ia te i matou Lou alofa tunoa Aua ua matou faalagolago Ia te oe.

Le Alii e, Ua ou faatuatua ia te oe Aua lava ne’i ou ma E oo i le faavavau.