Pese 381

Pe a ou faitau lena Tala Lelei Ia Iesu a o i lalo nei, O le valaauina o tama e ia, Ta manatu faapea i ai: Ana ou lagona atu i upu lelei Na ia fai atu i le ‘au soo. Tuu mai tama iti, o mai ia latou. Po ua fiafia atu i ai.

Afai ana ou iloa atu o ia, O loo silasila alofa mai: Ana tago mai lona aao ia te a’u Po ua ou olioli i ai. A e le afaina, aua e mafai Ona ou talotalo i ai, E mafai ona maua ai i ona po nei, Le mafuta faatasi ma ia.

E manomano tamaiti lelei Ua sao i luga i latou, Na saili i latou i le olaga nei, Ia Iesu ma le loto atoa. Talofa i tama e manomano O loo pouliuli latou. O e le iloa le tala lenei, O le Tala lelei ia Iesu.

E! faaali ia te i latou Lenei Talalelei ia Iesu Ia latou iloa ana upu lelei, Ma talitonu lava i ai; E! fia iloa le aso lelei, O le aso e fiafia ai, E aofia mai ai tamaiti atoa I le Alii latou te ola ai.