Pese 26

Na fai tagata ua lelei

Ina ua fatoa faia;

Ua le iloa ni sese,

Ua le iloa ni mala.

Sa le tumau lena lelei,

Na vave agasala.

Na fai amio masesei,

Na maua e le mala.

A ua alofa tele mai

Lo tatou nei Atua;

Na afio mai ai o Iesu

E fai mo tatou sui.

O lona maliu tiga,

Ua fai ma togiola,

Ia saogalemu ai tatou

Ma ola ai i le lagi.

Lenei, ia tatou faamanu

Ma taufaipese pea;

Ina vivii ia Iesu.

Lo tatou puluvaga.

Ina vivii i le Tama,

Atoa ma le Agaga;

Ia le aunoa le faafetai

I lo tatou Atua.